Éléman chimik

Oun éléman chimik sa ansanm dé atom karaktérizé pa roun sèrten nonm di proton annan yé nwayo. Sa nonm, noté Z, sa niméro atomik di éléman chimik-a. An léfè, propriyété chimik-ya dé atom sa détèrminé pa yé striktir élèktronik, lakèl ka dépann dirèkman di nonm di proton di yé nwayo, di mannyè ki tout atom-yan ki gen menm niméro atomik ka partajé menm propriyété chimik. An révanch, atom-yan di roun menm éléman chimik pouvé gen roun nonm varyab di nétron annan yé nwayo, sa ki nou ka aplé izotop.