Komers di détay

Komèrs di détay-a sa mayon final-a di chenn-an di distribisyon. I ka distengé so kò ensi di komèrs an gro. Aktivité-a sa doub :

• Acha dé prodjwi oprè di roun fournisò, di roun prodiktò oben di roun enpòrtatò, swé dirèkman oben pa entèrmédjèr-a di roun grosis.

• Rouvant di marchandiz-a à linité-a oben pa piti kantité à roun kliyan annan roun magazen, oun boutik oben pa koréspondans à lèd-a di roun katalòg oben di roun sit entèrnèt.

Tip di détayan

Komèrs di proksimité

Rézon-an di fika di komèrs di proksimité sa d'ofri dé prodjwi é/oben dé sèrvis à roun ansanm di kliyan annan roun rélasyon proksimité jéyografik. Proksimité ilistré pa nosyon-an di zonn di chalandiz.