Étazini

Étazini di Amérik United States of America (en)
Lanng ofisyèl	Fédéral : Pa gen Anglè : annan 32 Léta asou 50 Hawayen : sèlman a Hawaï Lanng endijèn : an Alaska Fransè : stati partikilyé annan Maine é annan Lalwizyann Espagnol : stati partikilyé o Nouvèl-Mèksik
Kapital	Washington, D.C
Siperfisi total	9 833 517 km²
Jantilé	Amériken(n)
Popilasyon total	324 811 000 zab. (2016)

Étazini-ya, dézignasyon abréjé dé Étazini di Amérik (an anglé the United States é the United States of America), sa roun péyi transkontinantal don ésansyèl-a di téritwar ka sitchwé so kò an Amérik di Nò.

Étazini-ya gen striktir politik -a di roun répiblik konstitisyonèl fédéral à réjim prézidansyèl konpozé di senkant Léta (karant-wit sa adjasant é ka fòrmé Mainland-a. Sala sa ankadré pa loséyan Atlantik à lès ké loséyan pasifik à lwès, é ka trouvé so kò bòrdé o nò pa Kanada é o sid pa Meksik.

Dé Léta-ya non limitròf sa Alaska, sitchwé à lwès di Kanada, ké Haway, oun archipèl sitchwé o milyé di loséyan Pasifik-nò. Di plis, péyi-a ka konprann katòrz téritwar ensilèr diséminé annan lanmè dé Karayib ké Pasifik-a. Jéyografi -a ké klima-a di péyi sa ègstrèmman divèrsifyé, abritan oun grann varyété di fonn é di flòr, fézan dé Étazini roun dé 17 péyi mégadivèrs di planèt-a.