1158

Sa paj ka konsèrné lannen 1158 di kalandriyé julyen.

Évènman

Pròch-Oryan

• Janvyé-févriyé : roupriz di Harim pa Baudouin III. I ka mennen roun kanpangn kont Nur ad-Din ké krwazé-a Thierry di Flandre. Yé atenn Dareiya, o lapòrt di Damas, 1e avril.

• Mè : Nur ad-Din ataké fòrtérès jòrdanyenn-an di Habis Jaldak, asou Yarmouk-a.

• 15 jwiyé : Nur ad-Din sa briga pa Baudouin III atè Puthaha, o sid di lak di Tibériad.

• Sèptanm : Baudouin III ka épouzé atè Jérusalem Théodora Comnène, nyès-a di anprò bizanten-an.

• Òktòb-désanm : rivé-a di Manuel Ie Comnène an Silisi. I ka òbténi soumisyon-an di prens arményen Thoros, épi ka maché asou Antioche. I ka pran so kartché-ya di livè atè Mamistra, koté Renaud di Châtillon divèt fè amann onorab pou so èspédisyon di piratri kont Chip (1156) é ka roukonnèt sizrennté bizantin-an. Baudouin III di Jérusalem ka négosyé oun alyans inogiré roun lan oparanvan pa so maryaj ké nyès-a di Manuel, Théodora Comnène. Mè mové volonté-a dé alyé ka fè avòrté èspédisyon-an ki projété kont Alep. An mè 1159, Manuel ka konkli lapè-a ké Nur ad-Din, don ménas-a ka konténi Fran-yan annan mouvans bizantin-an é ka konténi Saljûqid-ya.