Lanmérik santral
.svg)
Diférans ant frontchè jéyografik-ya ké frontchè administrativ-ya, ensi ki listwè kolonnyal ké rousanblans épi diférans kiltirèl annan réjyon-an ka fè varyé définisyon di Lanmérik santral soulon kontègs-a.
Annan so définisyon pli koumen-an, Lanmérik santral ka konprann péy-ya ki ka swiv (ké yé kapital) :
- Gwatémala (Guatemala)
- Béliz (Belmopan)
- Ondiras (Tegucigalpa)
- Salvador (San Salvador)
- Nikaragwa (Managua)
- Costa Rica (San José)
- Pannanman (Pannanman)
Définisyon[chanjé | Chanjé wikikod]
Définisyon jéyografik[chanjé | Chanjé wikikod]
Lanmérik santral ka étann sokò di lism di Tehuantepec annan sid di Mègsik (Mègsik sa majoritèrman sitchwé atè Lanmérik di Nò) annan nò, òbò Lism di Darién (Pannanman) annan sid. Li sa bòdé pa Gòlf di Mègsik annan nò, lanmè dé Karayb bò lès, é pa loséyan Pasifik annan sid é bò lwès.
Jéyografi[chanjé | Chanjé wikikod]
Jénéralité[chanjé | Chanjé wikikod]
Lanmérik santral sa travèrsé pa roun sistenm montangnen ki aplé « Kordiyèr santral » don pik-ya pouvé dépasé 4 000 mèt. Sitchwé bò lentèrsègsyon-an di Plak karayib-a, di Plak nò anériken épi di Plak di Cocos, oun chenn volkannnik ka lonjé lakot Pasifik-a di nò jouk sid di réjyon-an.
Kiltir[chanjé | Chanjé wikikod]
Lanng[chanjé | Chanjé wikikod]
Èspangnòl sa lanng ofisyèl annan tout péyi-ya, sof atè Béliz koté lanng ofisyèl sa annglé. Annglé sa kouran asou lakot koté i té gen bokou di lasandans afriken, tandi ki nativ anmériken-yan ka kontinwé palé yé lanng matèrnèl.
Rélijyon[chanjé | Chanjé wikikod]
Rélijyon prensipal-a sa katolisism, men lévanjélism-an sa an lògmantasyon.
| Péyi | Krétchen | Katolik | Évanjélik | Pa gen rélijyon |
|---|---|---|---|---|
| Béliz | 71 % | 40 % | 31 % | 15 % |
| Costa Rica | 87 % | 67 % | 20 % | 9 % |
| Salvador | 75 % | 46 % | 29 % | 24 % |
| Gwatémala | 86 % | 47 % | 39 % | 12 % |
| Ondiras | 90 % | 48 % | 42 % | 8 % |
| Nikaragwa | 83 % | 58 % | 25 % | 15 % |
| Pannanman | 92 % | 74 % | 18 % | 5 % |