Lengwistik

Di Wikipédja

Lengwistik-a sa roun disiplin syantifik ki ka entérésé so kò à étid-a di langaj. Li ka distengé so kò di granmèr-a, andan mizour koté li pa pèrskriptiv mé dèskriptiv. Prèskripsyon-an ka korèsponn à nòrm-a, ki lé di sa ki joujé korèk lengwistikman pa granmèryen-yan. À lenvèrs, lengwistik dèskriptiv dé lengwis ka kontanté so kò di dékri lanng-an tèl ki li fika é pa tèl ki li divèt fika.

Nou ka trouvé dé témwagnaj di réflèksyon asou langaj-a dipi Antikité-a ké dé filozòf kou Platon. Soupannan à pou nou antann XXe syèk pou wè dégajé oun apròch syantifik otour dé fè di lanng.