1109

Sa paj ka konsèrné lannen 1109 di kalandriyé julyen.

Évènman

Pròch-Oryan

• 12 jwiyé : priz di Tripoli pa Bertrand di Saint-Gilles.

• Fondasyon di konté di Tripoli (finisman an 1289). Bertrand di Saint-Gilles ka obténi dé Damascènes partaj-a dé résèt di rich plenn-an di Beqa, ant Liban-an é Anti-Liban.

Éròp

• Févriyé - mars : rwa-a Henri Ie d'Anglétèr ka anparé so kò pa sirpriz di chato di Gisors(Normandi), sa ki ka provoké oun konfli ké Louis VI di Frans à propo di Vexinet pou posésyon-an dé fòrtérès di valé enféryò di Seine. Louis ka réyini so vasal-ya (kont-a di Flandre, kont-a di Blois, kont-a di Nevers, douk-a di Bourgogn) é Dé wonm-yan ka kontré yé kò prè di Neaufles-Saint-Martin. Louis ka lansé oun défi à Henri Beauclerc ki ka roufizé briga-a ; aprè roun afrontman favorab o Fransé, oun trèv ka entèrvini bò'd 14 mars ; konfli-a ka roupran jouk trèv-a di mars 1113.

• 14 avril : Foulque V ka divini kont d’Anjou.

• 30 jen : lanmò d’Alphonse VI di Kasti(oben 1e jwiyé). So tifi Urraca ka pran pouvwè-a.