1147

Sa paj ka konsèrné lannen 1147 di kalandriyé julyen.

Évènman

• 17 janvyé, Espagn : Almohad-ya anba Abd al-Mumin ka débarké o péyi d’al-Andalûs é ka anparé yé kò di Séville. O menm moman, krétchen-an di kont Manrique di Lara (es) ka pran fòrtérès-a di Calatrava pou kont di rwa Alphonse VII.

• 15 févriyé, Almagn : djèt di Ratisbonne. Adam d’Ébrach ka li lèt-a di Bernard di Clairvaux pou Bavarois é pou Fran oryantal-ya an menm tan ki bòbòl-a d’Eugène III é ka lévé di nouvèl krwazé parmi lakèl burgrav di Nuremberg ké lévèk-ya Henri di Ratisbonne, Rimbert di Passau é Otton di Freising.

• 24 févriyé, Almagn : dékouvèrt di roun kadav di krétchen mitilé atè Wurtzbourg ; 21 Jwif, akizé di mèrt, sa masakré.

• 13 mars : djèt di Francfort. Krwazé-ya alman ké saxon ka doumandé à Bernard di Clairvaux otorizasyon-an pou alé konbat Wende-ya païns odéla di Elbe é kontrenn yé o batenm.