1399

Sa paj ka konsèrné lannen 1399 di kalandriyé julyen.

Évènman

Afrik

• Priz di Tétouan, baz aryèr di kòrsèr, pa troup-ya d'Henri III di Kasti. Lavil-a sa détrwit, lanmotché-a dé zabitan masakré ké ròt rédjwi an lèsklavaj.

Lazi

• 1e janvyé : Tamerlan ka kité Delhi an détrwizan tout bagaj asou so pasaj. Aprè ki li pran Fuzer é Meerut (9 janvyé), i ka venk òkò Endou-ya prè d'Haridwar asou Gange. I ka pran Kangra (16 janvyé) é ka sakajé Jammu. Tout koté li k'alé, li ka masakré zabitan-yan.

• 19 mars : Tamerlan ka travèrsé Indus. I ka lésé pou rouprézanté an Lenn gouvèlnò-a di Multan Khizir Khan. Soultanat-a di Delhi, ki afébli, ka pédi roun gran nonm di so vasal mouzoulman-yan ki ka déklaré yé kò endépandan.

• An Mongoli, Ugetchi, chèf di tribi-a dé Kergüd (Kirghiz), ka tanté d’établi so hégémonie asou tribi mongòl-ya é ka révòlté so kò kont gran khan Elbek, ki sa détroné é tchwé. Pé di tan aprè so avennman, Ugetchi sa venki pa Arouktaï, chèf dé Asod (Alain), é Ma-ha-mou, chèf dé Oïrat.