1402

Sa paj ka konsèrné lannen 1402 di kalandriyé julyen.

Évènman

Latlantik

• 1e mè : Nòrman-yan Jean di Béthencourt é Gadifer de La Salle ka pati di La Rochelle. Aprè roun lèskal atè Cadix, yé ka débarké atè zil Kanari, ka enstalé roun koloni éropéyen. Jean di Béthencourt ka rété pannan trwa lannen é ka prété lonmaj pou rwa di Kasti an 1403.

Lafrik

• Rwa-a David Ie di Létchopi ka voyé oun rich anbasad atè Véniz ki kondjwi pa Floranten-an Antonio Bartoli. An roumèsrsyan, doj-a li ka voyé an Létchopi dé larchitèk ki ké konstrwi légliz-a di Débra-Ouork.

Lazi

• 13 jwiyé : lanprò-a Ming di Lachin Kung Min Hui-ti sa dépozé atè Nankin pa so tonton Zhu Di aprè senk lannen di lagèr sivil. I ka mouri aparaman annan ensandi-a di so palè.

• 17 jwiyé : koumansman di règn di Chengzu oben Yongle (1360-1424), lanprò Ming di Lachin (finisman an 1424). Souvren ouvè, li ka échanjé dé kado ké Chah Rukh, siksésò-a di Tamerlan, é ka rousouvwè à so kour di nonbré anbasad.