1415

Sa paj ka konsèrnen lannen 1415 di kalandriyé julyen.

Évènman

Lafrik

• 21 out : Pòtidjé-ya ka pran Ceuta, yé ka mété an plas fondasyon-yan di roun Lanpir pòtidjé an Lafrik. Priz-a di lavil-a ka kouté o Pòtidjé lwit lanmò é roun lajounen di débarkman. Yé ka mété lanmen-an asou so vennkat boutik plen ké zépis di Loryan, di lò di Soudan, di swari ké ròt richès. Mòské-a sa transfòrmé an légliz, épi an katédral an 1420.

• Koumansman dé èspédisyon atlantik di Pòtidjal. Raid di kapitenn di João di Trasto an dirèksyon dé Kannanri.

• Lanprò-a Yeshaq Ie di Létchopi sa viktoryé di soultan d’Ifat Sa'ad ad-Din II, ka pran pòr-a di Zeilah é ka tchwé li. Dis tiboug-ya di soultan ka réfijyé so kò an Larabi.

Léròp

Évènman ki daté

• 23 mars : Abdikasyon di doj di Gênes Georges Adorno. Barnabé di Guano ka siksédé li di 29 mars o 3 jwiyé.

• Lanprò-a Sigismond ka konfirmé à lavil-a di Bèrn souvrenté-a asou distrik-a di Aar pou Frédérik IV di Lotrich. O prentan, Lig Étèrnèl Swis-a ka fè konkèt-a di Argovi ki ka apartni o Habsbourgen, violasyon di lapè-a di 1412.