1500

Di Wikipédja
Sauter à la navigation Sauter à la recherche

Lannen 1500 sa roun lannen bisèkstil ki ka koumansé oun mèrkrédi.

Évènman[modifyé | modifyé wikikod]

  • 26 janvyé, Brézil : navigatò èspagnòl-a Vicente Yañez Pinzon ka touché latè o cabo de Santo Agostinho asou roun sit prè di atchwèl Résif, é ka roumonté kot-a bò'd nò-a jouk bouchou-a di flèv Orénoque, mé konfòrméman o trété di Tordesillas, tout sa téritwar-ya sa atribiyé o Pòtidjal san rouvandikasyon di pa-a di Lèspagn-an.
  • 9 mars : dépa di lèskad-a di Pedro Álvares Cabral di pòr di Lisbonn, à dèstinasyon dé Lenn, ké trèz véso ké 1 200 wonm. Li ka pasé o zil Kannanri, épi o zil di Kap-Vèrt.
  • 22 avril, Brézil : Pedro Álvares Cabral, lamiral pòtidjé, profitan dé alizé, ka débarké asou sit-a di Porto Seguro (o sid di atchwèl Salvador de Bahia), ka pran posésyon di téritwar o non di Pòtidjal é ka batizé li Terra da Vera Cruz (Latè di Vrè krwa-a). Li ké établi an 1503. Pas véjétasyon-an ofri tchèk varyété di brézil, danbwa ki konnèt o Lenn oryantal pou prodiksyon-an di latentir rouj, nou ka sirnonmen zil-a di Santa Cruz « latè di Brézil ». Cabral ka pourswiv so larout bò'd Lenn-yan 2 mè-a.
  • 29 mè : èsploratò-a Bartolomeu Dias ka fè nofraj o larj di kap di Bon-Èspérans é ka disparèt.
  • Jen : èsploratò pòtidjé-a Gaspar Corte-Real ka roukonnèt kot sid-a di Labrador ki li ka batizé é ka roudékouvri Groenland.
  • Lété : Ouzbek Muhammad Chaybani, piti-tiboug d’Abu'l-Khayr ka antré atè Boukhara é atè Samarkand.
  • 16 jwiyé : Pòtidjé-ya di Cabral ka atenn kot-ya di Lafrik oryantal-a. Yé ka établi dé kontwè koumèrsyal (Mozanbik, Kilwa ké Malindi).

Nòt ké référans[modifyé | modifyé wikikod]

Lyen ègstèrn[modifyé | modifyé wikikod]