1582
1582 sa roun lannen koumin ki ka koumansé roun lendi (annan kalandriyé julyen-an) ; mé ki ka fini roun vandrédi (annan kalandriyé grégoryen).
Évènman
[chanjé | Chanjé wikikod]- 13 janvyé, Mongoli : lanmò d’Altan Khan. So lanpir ki ka étann so kò di Koukou-nor à Gran Miray-a pas ka tardé à dézentégré so kò an domenn féyodal rival.
- Mars : an Lenn, gran moghol-a Akbar ka réfòrmé rélijyon-an é ka enstoré Dîn-i-Ilâhî, ki ka réyini senkrétikman bouddhism-an, Lislanm-an, Endouism-an ké kristchannism-an. Li ké péké gen bokou d’adèp an dèrò di lakou-a é ké étenn so kò ké souvren-an. Abul al-Fazl ibn Mubarak, vizir-a d'Akbar, sa nonmen gran prèt di nouvèl rélijyon-an.
- 16 avril : fondasyon di Salta, an Larjantin.
- 11 mè : Manuel Teles Barreto (pt) ka divini gouvèlnò di Brézil (finisman, 10 out 1587). Li ka tèrminé konkèt-a di Paraiba di Nò, ki té koumansé pa so prédésésò-ya.
- 21 jen, Japon : Nobunaga Oda, viktim di révòlt-a di roun di so vasal-ya, ka fè so kò seppuku. Roun di so lyétnan-yan, Hideyoshi Toyotomi, ka pourswiv so lòv d'inifikasyon. Li ka antrouprann dé réfòrm ki ka vizé à bloké laklas sosyal-ya annan yé léta di moman.