Kalkil (matématik)

An matématik, oun kalkil sa roun opérasyon oben roun ansanm d'opéras you ki éfèktchwé asou dé grandò. Inisyalman sa grandò-ya té dé nonm mè dévlopman-an dé zouti matématik é di abstraksyon-an ka pèrmèt atchwèlman d'éfèktchwé dé kalkil asou dé lòbjè pli konplèks (fonksyon, vèktò, propozisyon). Pa laswit-a, enformatik-a té pèrmèt di fè kouraman dé kalkil asou dé doné fòrmèl ki varyé é kalkil-a sa divini oun lòbjè d'étid annan téyori-a di kalkilabilité-a.

Adisyon-an sa roun lègzanp di kalkil.

Étimoloji

« Mo-a kalkil, senbòl menm di nou lè syantifik é tèknik, ka dérivé di mo laten calculus ki ka signifyé piti kayou ». Sa piti kayou-ya sa à lorijin-an di roun dé pli ansyen sistenm konpatib dékouvri à nou jou. Izaj-a di kayou pou senbolizé dé moun, dé zannimo oben dé mizour di gren é pou éfèktchwé dé adisyon é dé soustraksyon sa fondamantal annan évolisyon-an di kalkil matématik. Pronmyé zouti di kalkil silansyé é senbolik, li sa prékirsò di tout roun fanmi di lèd-a o kalkil ki sa abak-ya.