Ladeng

Ladeng-an, ansyennman applé « lagrip tropikal », « lafyèv rouj » oben « piti pali », sa roun enfèksyon viral, andémik dé péyi tropikal. Ladeng-an sa roun arboviroz, ki transmiz à fika moun-an pa entèrmédjèr-a di roun moustik djourn di janr Aedes, li-menm enfèkté pa virus-a di ladeng-an, virus di fanmi-a dé Flaviviridae.

Sa enfèksyon viral ka antréné klasikman lafyèv, mal di tèt, doulò miskilèr ké artikilèr, fatig, nozé, vomisman ké éripsyon kitané. Byolojikman, nou ka routrouvé abitchwèlman oun bès dé plakèt. Gérizon-an ka sirvini jénéralman an roun simenn.