Papaychton

Papaychton
Administrasyon
Péyi	Lagwiyann (Lafrans)
Mèr	Jules Deie
Démografi
Jantilé
Popilasyon	6 572 zab. (2014)
Dansité	2,5 zab./km²
Jéyografi
Altitid	Min. 49 m – Mags. 722 m m.
Siperfisi	2 628 km²

Papaychton sa roun koumin fransé, ki sitchwé annan départman-an di Lagwiyann. Vilaj-a sa sitchwé asou bò-ya di flòv Maronni-a, ki sa dayò sèl vwè di lagsé atè Papaychton.

Kapital di zétni Bonni-a, a la ki ka rézidé« Gran Man », chèf rélijyé é koutimyé dé Bonni.

Jéyografi

Lokalizasyon

An rouj téritwè kouminal-a di Papaychton.

Koumin-an di Papaychton ka sitchwé so kò atè Lagwiyann, an Lanmérik di Sid. Li sa enstalé asou bò-ya di flòv Maronni-a ki ka délimité frontchè ké Sourinanm-an.

I pa vré di di ki Papaychton fika agsésib rounso an piròg pis ki roun pis di 31 kilonmèt ka rélyé li ké koumin-an di Maripasoula. Sa pis ka pourswiv so kò jouk zanmo-ya di Loka.

Koumin limitròf-ya di Papaychton sa Gran-Santi o nò, Sayil à lès é Maripasoula o sid.

Jéyoloji ké rélyèf

Mon Kotika, ka élvé laltitid magsimal-a di koumin-an à 722 mèt.

Klima

Klima sa di tip ékwatoryal. Tanpératir-a pa ka bokou varyé é ka rété pròch di 30°C. Lapli-ya sa abondant.

Tòponnimi

Bour-a ka aplé so kò Papaychton-Pompidouville an lònò-a di prézidan Pompidou ki té rousouvwè Gran Man ké limè Tolinga atè Lélizé an 1971.

Listwè

Kronnolojik

• 1895 : Vilaj té fika fondé pa Gran Man Ochi.
• 1930 : Kréyasyon di téritwè di Linini-a, divizyon administrativ ki ka kontni Papaychton
• 1946 : Départmantalizasyon-an di Lagwiyann, téritwè-a di Linini-a ka divini roun larondisman
• 1968 : Kréyasyon di srèk minisipal di Gran-Santi-Papaychton-Apatou
• 1969 : Srèk minisipal-ya sa anmòrfrézé an minisipalité
• 1976 : Séparasyon dé koumin d'Apatou é di Gran-Santi-Papaychton
• 1992 : Séparasyon dé koumin di Gran-Santi é Papaychton

Démografi

Lévolisyon-an di nonm di zabitan sa konnèt atravè rousansman-yan di popilasyon-an ki éfègtchwé annan koumin-an dipi 1961, pronmyé rousansman pòstéryò à départmantalizasyon-an di 1946. À pati di 2006, popilasyon légal-ya dé koumin sa pibliyé anniyèlman pa Insee-a. Rousansman-an ka roupozé dézòrmè asou roun kolèk di lenfòrmasyon anniyèl, ki ka konsèrnen sigsésivman tout téritwè kouminal-ya o kour di roun péryòd di senk lannen. Pou koumin-yan di mwen di 10 000 zabitan, roun ankèt di rousansman ki ka poté asou tout popilasyon-an fika réyalizé tout senk lannen-yan, popilasyon légal-ya dé lannen lentèrmédjèr ki fika kant à yé èstimen pa entèrpolasyon oben èstrapolasyon. Pou koumin-an, pronmyé rousansman ègzostif ki ka antré annan kad-a di nouvèl dispozitif té réyalizé an 2004.

Èspò

Klòb di foutbòl di AS Kawina té angajé pa so antrénò pou Lakoup di Lafrans. Pannan tour préliminèr-ya di Lakoup di Lafrans 2014-2015, lékip di Papaychton k'alé jouk an final dé éliminatwè di Lagwiyann. Li sa malérézman briga 4 bit à 1 pa fòrmasyon-an di US Matoury. An rézon di so anklavman, sa lékip pa ka jwé annan pyès chanpyonna.