Pil élektrik

Diférant forma di pil : dé pil di 9 volt, dé AAA, dé AA, oun C, oun D, oun pou kaméskop, oun pou téléfonn san fil ké oun pou roun radjo amatò.

Oun pil élèktrik, kouraman aplé pil, sa roun dispozitif élèktrochimik ki ka konvèrti an énèrji élèktrik gras à oun réyaksyon chimik d'ogsidorédiksyon.

Vokabilèr : pil, batri, akimilatò

À lorijin-an, tèrm-an « pil » té ka dézigné oun dispozitif envanté pa savan italyen-an Alessandro Volta, ki konpozé di roun anpilman di rondèl di Dé métal diféran, ki séparé pa dé fét enprégné di roun élèktrolit. Pa ègstansyon, mo-a « pil » ka dézigné tout batri monoblòk. Soupannan, tèrm-an « batri » ka dézigné oun ansanm d'éléman ki monté an séri pou obténi oun tansyon ki swété, annan roun anbalaj inik.