Réjina
|
Réjina | |||
|---|---|---|---|
| |||
| Administrasyon | |||
| Péyi | Lagwiyann (Lafrans) | ||
| Mèr | Michel Quammie | ||
| Démografi | |||
| Jantilé | |||
| Popilasyon | 968 zab. (2014) | ||
| Dansité | 0,08 zab./km² | ||
| Jéyografi | |||
| Altitid | Min. 0 m – Mags. 771 m m. | ||
| Siperfisi | 12 130 km² | ||
Réjina (pafwè Réjina-Ko) sa roun koumin fransé ki sitchwé annan départman-an di Lagwiyann.
Jéyografi
[chanjé | Chanjé wikikod]Sitchwasyon
[chanjé | Chanjé wikikod]
Tré vas koumin di litoral Lès, ki ka anfonsé so kò annan tchò di danbwa ékwatoryal o sid-lwès. A dézyenm koumin-an di Lafrans ki pli étandou-a pa so sipèrfisi (1 213 000 zègta) apré Maripasoula. So sipèrfisi sa pli enpòrtan ki départman di Lajironn, pli vas départman métropoliten-an.
Vilaj-a sa sitchwé asou bò-ya di flòv Laprouwag.
Annan koumin-an, bò'd 95 000 zègta di marè sa klasé rézèrv natirèl di Ko dipi mars 1998 é 100 000 ròt zègta ka fè pati di rézèrv natirèl dé Nourag. Yé ka apartni toulédé o résan park natirèl réjyonnal di Lagwiyann.
Gisanbour ké Ko sa dé piti vilaj (agsésib an piròg) administrativman rataché ké koumin-an di Réjina pa laplikasyon-an di lalwè-a di Vichy ki té ka enpozé roun chèf-lyé. Réjina té chwézi parmi trwè-ya an rézon di so lenfliyans administrativ-ya ké finansyé. Rougroupman-an di sa téritwè-ya té bay lyé à roun koumin ki divini enpozan an sipèrfisi. Gisanbour té dipi abandonnen.
Koumin limitròf-ya ké Réjina sa, à lès, Wannari, Senjòrj-Loyapòk, o sid Kanmopi, à lwès, Sayil, Sentéli ké Roura.
Klima
[chanjé | Chanjé wikikod]Klima sa di tip ékwatoryal ké roun dé plivyonmétri ki pli enpòrtan-yan di Lagwiyann.
Rélyèf
[chanjé | Chanjé wikikod]- Mon Chov.
Vwè di kouminikasyon ké transpò
[chanjé | Chanjé wikikod]Réjina sa lyannen o lavil di litoral, don Kayenn, pa larout nasyonnal 2. Dipi 2003, sa larout té étann jouk Senjòrj-Loyapòk.
Kouminikasyon téléfonnik-ya é di data-entèr-irben sa asiré pa vwè di féso hertzien jouk santral France Télécom di Kayenn Chaton.
Tòponnimi
[chanjé | Chanjé wikikod]Non-an "Régina" ka vini di gran avantiryé Louis Athanase Theophane Réjina (1868-1922).
Listwè
[chanjé | Chanjé wikikod]- Vèstij di bitasyon Favard (xixe syèk).
- Zanmo di Saint-Esprit, lyé di kilt dipi xixe syèk-a.
- Vèstij di rézèrv dé Nourag, dannyé kouminoté anmérendjen, ki disparèt bò'd 1780 : zirn finérèr, zoutiyaj litik, poliswè, débri di potri.
Réjina ka tchenbé so non di Louis Athanase Theophane Régina (1868-1922).
Démografi
[chanjé | Chanjé wikikod]Lévolisyon-an di nonm di zabitan sa konnèt atravè rousansman-yan di popilasyon-an ki éfègtchwé annan koumin-an dipi 1961, pronmyé rousansman pòstéryò à départmantalizasyon-an di 1946. À pati di 2006, popilasyon légal-ya dé koumin sa pibliyé anniyèlman pa Insee-a. Rousansman-an ka roupozé dézòrmè asou roun kolèk di lenfòrmasyon anniyèl , ki ka konsèrnen sigsésivman tout téritwè kouminal-ya o kour di roun péryòd di senk lannen. Pou koumin-yan di mwen di 10 000 zabitan, roun ankèt di rousansman ki ka poté asou tout popilasyon-an fika réyalizé tout senk lannen-yan, popilasyon légal-ya dé lannen lentèrmédjèr ki fika kant à yé èstimen pa entèrpolasyon oben èstrapolasyon. Pou koumin-an, pronmyé rousansman ègzostif ki ka antré annan kad-a di nouvèl dispozitif té réyalizé an 2007.
Kiltir ké patrimwenn
[chanjé | Chanjé wikikod]Patrimwenn anvironnmantal
[chanjé | Chanjé wikikod]- Rézèrv natirèl di Zilé di Gran Konnétab.
- Rézèrv natirèl dé marè di Ko-Roura
- Rézèrv natirèl dé Nourag
Lyé ké monnouman
[chanjé | Chanjé wikikod]- Ròch gravé di Montangn Favard.
- Légliz Saint-André di Ko.