Wikipédja

Di Wikipédja
Sauter à la navigation Sauter à la recherche
Logotip di Wikipédja ka rouprézanté roun glòb enkonplè ki konpozé di pyès di pòzòl asou lakèl sa enskri tchèk glif ki ka vini di diféran sistenm di lékritir ; laplipa ka korèsponn ké lèt W oben ké son « wi », « wo » oben « wa ».
Détay di pòrtay miltilenng wikipedia.org, ka montré lédisyon-yan di Wikipédja ki pli fourni.

Wikipédja (Wikipedia an annglé) sa roun projè di lansiklopédi inivèrsèl, miltilenng, ki kréyé pa Jimmy Wales ké Larry Sanger 15 janvyé 2001 an wiki anba non di donmenn "wikipedia.org". Vèrsyon-yan di diféran lanng ka itilizé menm lojisyèl di piblikasyon, MediaWiki, é gen menm aparans, men li ganyen tchèk varyasyon annan yé kontni, yé èstrigtir ké yé modalité pou lédisyon épi pou jésyon.

Lansiklopédi-a ensi ki so lanvironnman sa ébèrjé asou Entèrnèt grémési sèrvò-ya ki finansé pa Wikimedia Foundation, lòrganizasyon ké lòbjègtif ki pa likratif anmériken ki dépozitèr di mark Wikipédia.

Lansiklopédi sa an lib agsé, an lègtir kou an lékritir, a pou di ki nenpòrt ki moun pouvé, lò i k'alé asou sit-a, modifyé pratikman totalité-a di artik-ya ki pibliyé anba lisans CC-BY-SA 3.0. An ògtòb 2017, Wikipédja sa senkyenm sit ki pli frékanté annan monn-an, é ka konstitchwé pli gran ké pli popilèr di ouvraj-ya di référans jénéral d'Internet. An févriyé 2014, i té gen mondjalman près 500 milyon di vizitò chak mwè épi an mè 2014, 22 milyon di kont pou éditò, don pli di 73 000 sa konsidéré kou agtif.

Istorikman, annglé-a té prensipal lanng itilizé, anvan ki roun miltitid di sit ouvri annan ròt lanng (283 lanng an 2016). Wikipédja an annglé toujou konsèrvé sa enpòrtans roulativ : nonm di artik ka élvé sokò jouk pli di 5 milyon.

Nòt ké référans[modifyé | modifyé wikikod]

Wè osi[modifyé | modifyé wikikod]